Henk Harmsen van De Gelderlaander het naogaon hoe et zit mit de EBLT / EBKT – brief an kollege en staoten van Gelderlaand. Hoe staot et, hoe is d’r naor EBLT / EBKT toe reageerd? Alderschrikbaorendste weinig, dee him blieken. Henk Bloemhoff mos naor him toe antwoorden dat EBKT niks heurd had en ok nog gien ontvangstbevestiging kregen had, en daor was hi’j wat verheerd over: et zol de perveensie sierd hebben as ze even reageerd hadden. Harmsen citeert him in De Gelderlaander. Woordvoerster Marga Nijenhuis van de perveensie Gelderlaand gaf naor Harmsen toe an dat een reaktie “toevallig net onderweg” was. Neffens heur was niet dudelik wodden dat de brief van EBKT om antwoord of reaktie vreug. Belangrieker nog liekt Vrouw Nijenhuis heur opmarking dat et ‘gaot om bestaond beleid, waoran tussendeur niet sleuteld wodt.’ Alweer wat wonder, reageert Bloemhoff weer naor EBLT / EBKT toe: ‘…asof de perveensie Gelderlaand hielemaole nooit es wat incidenteels opkommen zicht en daor wat mit dot. Een kwessie oppakt, een experiment dot, een tiedelike oplossing bedaenkt. Hi’j kan et him niet veurstellen. Direkteur Femia Siero van et Ecal in Doetinchem, mit de streektaelveurziening daor de jonge streektaelkonsulent wegbezunigd is, vint et spietig dat een reaktie van de perveensie dislange uutbleven is, zo lezen we in et kraantebericht in De Gelderlaander. Et is toch wel lastig aj’ gien luusterend oor kriegen, zegt ze.
Veerdere infermaosie hierover: dippeteerde is Vrouw Annemiek Traag, van D66. De Gelderse streektaelhope is vestigd op de tied nao de verkiezings.
Et kraantebericht in De Gelderlaander (15-1-2015):
