Het belang van Meertaligheid in opvoeding en dagelijks leven

Lezing met Folkert Kuiken en Henk Kas

Dinsdag 20 november organiseren Stichting Ons Bildt, bibliotheek en het Bildts Dokumintasysintrum een lezing over het belang van meertaligheid in opvoeding en in het dagelijks leven. De bijeenkomst wordt gehouden in MFC Ons Huis, Beuckelaerstraat 2, 9076 DA St.-Annaparochie en begint om 20.00 uur. De toegang is gratis.
De avond wordt verzorgd door Folkert Kuiken en Henk Kas.
Lês mear…

Skriuw mar Frysk mei PraatmarFrysk

Moandei 22 oktober is by PraatmarFrysk ‘Skriuw mar Frysk’ begûn. In leechdrompelige manier om fia de Social Media Frysk te learen en te brûken! Oan de hân fan in filmke wurdt der alle wiken troch ‘professor’ Henk Wolf in belangrike staveringsregel útlein. By elke regel heart fansels ek in diktee. Yn totaal wurde der 14 regels behannele. De lessen binne te folgjen fia de Facebookpagina en it Twitterkanaal fan PraatmarFrysk en op www.praatmarfrysk.nl.

FNP fernuvere oer reaksje 112 by brân Boazum

De Steatefraksje fan de FNP stelt op’e nij fragen oan it Kolleezje fan Deputearre Steaten oer it Frysk by de Noardlike Meldkeamer. By de grutte brân yn Boazum hat op’e nij bliken dien dat 112 gjin Frysk ferstiet, wêrtroch de boarger yn need net goed holpen wurdt.

De FNP wiist der op dat begjin dit jier al tasizzingen dien binne dat de belsintra fan de oerheid tarist wurde soene om wol Frysk te ferstean en te sprekken. Korpsbehearder Crone fan de nije Fryske feilichheidsregio is ferantwurdlik foar de organisaasje.

Fragensteller Annigje Toering wol no witte wat der konkreet dien is, wat de ôfspraken binne en wannear’t de Fryske boarger resultaten sjen kin.

Neffens de FNP bewiist it foarbyld fan Boazum mar wer ris dat der sa gefaarlike sitewaasjes yn omstannichheden fan libben en dea ûntstean kinne. De oerheid is mei de nije Noardlike Meldkeamer noch hieltyd net klear foar in adekwate kommunikaasje mei de Fryske boarger. De partij freget him ôf oft der ek ekskuzes oanbean wurde sille.

Boarne: www.fnp.nl

Jannewietske de Vries president NPLD

 

Jannewietske de Vries

Deputearre Jannewietske de Vries is keazen ta president fan it NPLD. Dizze letters steane foar Network to Promote
Linguistic Diversity. De Vries is op it eilân Korsika keazen. It is foar it earst dat in polityk bestjoerder foarsitter wurdt fan it NPLD.

It Network to Promote Linguistic Diversity is in Europeeske organisaasje . Dy bestiet út 11 regionale oerheden en oerheidsorganisaasjes, dy’t yn de eigen regio ferantwurdlik binne foar it befoarderjen fan meartaligheid, útgeande fan in minderheidstaal. Dêrneist binne 16 net-goevernmentele organisaasjes (ngo’s) oansletten by it NPLD as associate lid.
Lês mear…

Fûle striid om foarsitterskip

 

Op de jiergearkomste fan minderhedenetwork NPLD yn Corti op Korsika is in spannende striid oan de gong om it foarsitterskip. Jannewietske de Vries en de Korsikaanske minister fan kultuer Pierre Ghionga binne beide kandidaat.

Om har kandidatuer te understreekjen is De Vries ôfreizge nei Korsika mei struibrieven yn it Ingelsk en Spaansk, dêr’t se harsels yn foarstelt. Beide kandidaten krije in kertier om harsels te presintearjen. De Vries die dat yn fjouwer talen: Ingelsk, Fransk, Italiaansk en Spaansk.

It is dreech te foarsizzen hoe’t de stemming utpakke sil. Fan NPLD binne tsientallen regio’s en organisaasjes foar minderheidstalen lid. It NPLD wurdt finansjeel stipe troch de Europeeske kommisje.

Boarne: Omrop Fryslân

10 jier Liet International op it Saailân

De froulju fan SomBy út Finsk Laplân

Songfestival presintearret ‘best of’ mei bands út Astûrië (Spanje), Eastenryk, Finsk Laplân, Fryslân, Ierlân en Udmûrtië (Ruslân) 

Yn 2002 hie Ljouwert de wrâldprimeur fan in bysûnder sjongfestival. By wize fan eksperimint organisearre Stichting Liet ’91 de earste edysje fan Liet International, it sjongfestival foar it bêste nije liet yn in Europeeske minderheidstaal. Op Liet International wurdt net songen yn it Ingelsk, mar yn it Astûrysk, Baskysk, Bretonsk, Friûlysk, Gaelic, Iersk, Katalaansk, Frysk, Meankieli, Sámi (‘Laps’), Sorbysk of Udmûrtysk. De earste edysje luts fuortendaliks de oandacht fan de grutte media. BBC World en CNN makken reportaazjes dy’t oer de hiele wrâld útstjoerd waarden en The Scotsman en de Frankfurter Algemeine Zeitung skreaunen hele pagina’s fol oer Liet International: in nije Europeeske tradysje wie berne.

Tsien jier letter is Liet International útgroeid ta ien fan de grutste en belangrykste eveneminten ta promoasje fan Europeeske minderheidstalen. Der kaam ek offisjele erkenning; sûnt 2008 wurdt it festival organisearre mei de Ried fan Europa as beskermhear en stiper. Nei trije edysjes yn Ljouwert gie it festival op reis nei Sweedsk Laplân, Bretanje en Udine yn Italië. Dit jier is de finale fan Liet International foar it earst yn Spanje yn de havenstêd Gijón yn de streek Astûrië. Yn dy tsien jier binne nije ferskes presintearre yn tsientallen minderheidstalen. Dêr sitte ek hiel lytse talen by lykas it Manks (fan it eilân Man), it Kornysk, it Fepsysk (út Karelië yn Ruslân) en it Fotysk, dat op de grins fan Estlân en Ruslân noch troch sa’n 50 minsken praat wurdt. Yn dy tsien jier binne mei-inoar wol mear as tûzen ferskes yn minderheidstalen nei de organisaasje tastjoerd.

De gemeente Ljouwert woe it jubileum fan it sjongfestival net samar foarby gean litte en hat Liet International útnoege om in kar fan de meast nijsgjirrige artysten fan de ôfrûne tsien jier nei Ljouwert te heljen op it iepeningsfestival fan it Saailân. Liet International hat dy útdaging graach oannommen en presintearret op freed 28 septimber grutsk de folgjende bands: Silent Woo Goore (út Udmûrtië yn Ruslân), Coffeeshock Company (Kroätyske minderheid út Eastenryk), Fiach (Ierlân), SomBy (Sámi út Finlân), Xera (Astûrië yn Spanje), en Janna Eijer (Fryslân).

It festival wurdt om 17.00 oere middeis iepene troch de Ljouwerter muzikant en âld-Lietdielnimmer Sake Hylkema mei in koar fan de Professor Wassenberghskoalle yn Lekkum. De jûn wurdt om 23.00 oere ôfsletten troch de meartalige formaasje Mala Vita, dy’t earder al in soad yndruk makke op it Befrijdingsfestival en oare grutte festivals yn hiel Europa. De presintaasje fan it festival leit yn hannen fan in ynternasjonaal duo: de Friûlyske DJ Mojra B en de Fryske DJ en radiomakker Willem de Vries.

Lês mear…

Walk in Event oer meartaligens en kultuer

‘Fryslân Connected. Music, People and Multilingualism’.
In ynternasjonaal Walk in Event op freedtemoarn 28 septimber by it Saailân.

Op freed 28 septimber fan 10.00 oant 13.00 oere fynt it ynternasjonaal evenemint ‘Fryslân Connected’ oer meartaligens en kultueroerdracht plak op it fernijde Saailân yn Ljouwert. Dit is fergees tagonklik en is opset nei oanlieding fan it 10-jierrich bestean fan Liet International en it 25-jierich bestean fan it Mercator Europeesk Kennissintrum foar Meartaligens en Taallearen (ûnderdiel fan de Fryske Akademy). It programma wurdt yn gearwurking mei it Europeesk Buro foar de Lytse Talen (EBLT) gearstald en is drinze fan ynterviews en muzyk. Dit evenemint is in ûnderdiel fan festiviteiten dy’t yn itselde wykein plak fine, yn ferbân mei de feestlike iepening fan it Saailân.

De tematyk fan it event giet oer meartaligens en de ynfloed hjirfan op kultueruterings, benammen yn muzyk. Foaral ek it perspektyf op de globalisearring en de lokale kultuer komt oan bar. Wethâlder Kultuer Isabelle Diks fan gemeente Ljouwert sil de konferinsje iepenje, dêrnei ynterviews mei gasten út Fryslân likegoed as út oare dielen fan Europa, mei harren eigen ynfalshoeken. Under oare direktrise fan Taalbelied fan Asturias Ana María Fueyo LLaneza en ynternasjonaal kultureel adviseur fan de Kulturele Haadstêd 2018 Rudi Wester sille prate. Sake Hylkema hat it oer Frysktalich muzykteäter dat hy bringt op ferskate skoallen. Elts dy’t hjiroer meiprate wol, of gewoan harkje, is wolkom!
By dit evenemint wurdt ek muzyk brocht en it slút oan by de festiviteiten dy’t letter op ‘e dei plak fine mei âld-winners fan Liet International.

Lês mear…

Fryske Akademy dei 2012

De Fryske Akademy noeget jo fan herte út foar it bywenjen fan de jierlikse Akademy-dei. Dit jier wurdt dy holden op freed 14 septimber. Jo binne wolkom fan 13:30 oere ôf yn kongres- en stúdzjesintrum It Aljemint, Doelestrjitte 4-6 te Ljouwert. Foar mear ynformaasje en it programma sjoch hjir.

Boarne: Fryske Akademy

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42  Scroll to top