Reina Rodina yn Ruslân

Reina Rodina van der Meer foar Liet International nei konferinsje oer kulturele gearwurking yn Ruslân

Op útnoeging fan de Russyske kulturele stichting Russiane is de jonge Fryske sjongeres en muzikante Reina Rodina van der Meer (24) op Twadde Pinksterdei op it fleantúch stapt nei Ruslân om út namme fan Liet International mei te dwaan oan de 6de ynternasjonale konferinsje oer ‘Russysk-Slavyske kultueren en ynterkulturele ynteraksje’. De konferinsje wurdt hâlden yn de stêden Moskou en Bryansk en duorret oant 4 juny. De konferinsje is ornearre foar jong ôfstudearre talint (oant 30 jier) út de wrâld fan de keunsten út Ruslân, de buorlannen fan Ruslân en befreone lannen yn Europa om mei-inoar te praten oer saken as ‘Cultural Identity and Cross-Cultural Communication’, ‘Dialogue of cultures under Globalisation’ and ‘Creative Development of a Person through Art’.

Lês mear…

Spannend! Komt der in nije Skriuwerskalinder?

Yn 2010 ferskynde de Skriuwerskalinder foar it lêst en út reaksjes docht bliken dat dy tige mist wurdt. Dêrom wol in wurkgroep fan It Skriuwersboun en Tresoar besykje dizze âlde tradysje wer nij libben yn te blazen. We binne drok dwaande mei de organisaasje, mar soe it dizze simmer net slagje, dan dogge we it takom jier!

Dêrom no alfêst in oprop foar it stjoeren fan bydragen foar de kalinder fan 2013. It tema wurdt:
Spannend

In aktueel tema dêr’t je alle kanten mei út kinne. Dêrby kin men tinke oan de krisis, in relaasje, sport, fakânsje en oare aventoeren. Mooglik ropt sa’n wurd noch wol mear en oare assosjaasjes op.
It tema is ornearre as in hânfet. As jo der net mei út ’e fuotten kinne meie jo ek in oar ûnderwerp kieze. Dêrby kinne jo tinke oan eveneminten, hjeldagen, seizoenen en sa fierder. Njonken literêre bydragen binne foto’s en oar byldmateriaal wolkom, sa wolle wy ek oare keunstfoarmen in kâns jaan.

Lês mear…

Finale Twentse Jazzerieje

De finale van de Jazzerieje wordt gehouden op zaterdag 26 mei 2012, als onderdeel van het International Jazz Festival Enschede.
Aanvang 16:30 uur.

De tien finalisten voor de finale van de Jazzerieje zijn:
Sukerbulte – Hanna Altena (Zwolle)
Noaberschop – Nadya Bolhaar (Enschede)
Kræng – Petra ter Denge (Losser)
Romeo, o Romeo – Martin ter Haar (Enschede)
An ut Elastiek – Frens te Kiefte (Nijverdal)
Zwil – Corien Kollmer (Zwolle)
Schiwwen van de nieje tied – Bert Kuipers (Enschede)
Hitlers in de dop – Gwen Lemmens(Hengelo)
Jazzeritis – Marijn Ouwehand (Enschede)
’n Oalen rooien stool – Nikkie Varkevisser (Enschede)

Meer informatie hier.

Frysktalige Bernemeditaasjes

Op 26 maaie bringt hjir&no in boek-mei-cdútjefte út mei Frysktalige Bernemeditaasjes.

Foar it earst kinne bern no ek yn harren memmetaal dwaande mei meditaasje en
berneyoga. De meditaasjes binne ynsprutsen toch de ferneamde aktrise Tamara Schoppert. Yn it boek binne de meditaasjes útskreaun en kinne âlden en dosinten lêze hoe’t se de meditaasjes thús of yn ’e les brûke kinne.

Sjoch op http://www.hjirenno.nl/ foar mear ynformaasje.

MBÛ-ers helje sertifikaten Frysk

Yn it selskip fan deputearre De Vries waarden de sertifikaten útrikt

 

 

 

 

 

 

 

Sûnt 2009 kinne kursisten fan ferskate opliedings fan it MBÛ in sertifikaat Frysk ferstean/sprekken helje. Dit skoaljier hawwe 15 kursisten fan ferskillende MBÛ-grienopliedings fan it  AOC Friesland op It Hearrenfean dat sertifikaat behelle.

Op 21 maaie krigen de kursisten it sertifikaat “Frysk ferstean yn de beropssitewaasje” of “Frysk ferstean en prate yn de beropssitewaasje” útrikt troch deputearre mefr. Jannewietske de Vries.

Om yn oanmerking te kommen foar sa’n sertifikaat moast in portfolio gearstald wurde, dêr’t kursisten yn oantoane, middels bewizen, dat hja it Frysk ferstean, as ek sprekke kinne.
De Provinsje hopet mei it stypjen fan sa’n provinsjaal sertifikaat dat it Frysk in struktureel en fêst plak krijt binnen it curriculum fan de MBÛ’s yn Fryslân. No is it faak noch sa dat de opliedings ûnfoldwaande omtinken jouwe oan meartaligens en it Frysk.

Fersen frege foar FeRstival 2012

Taalsintrum FryskBêste dichters/skriuwers,

It FeRstival – de foardrachtswedstryd foar learlingen út it fuortset ûnderwiis – belibbet fan’t jier de 70ste edysje. Wat in tradysje! It Frysk is hip, cool… (of watfoar wurden ek mar brûkt wurde), oars soenen net in 150tal pubers it toaniel opstappe om in gedicht foar te dragen!

Fryske skriuwers/dichters hawwe altyd wichtige pylders west fan it FeRstival, om’t dy spesjaal gedichten makken dy’t gaadlik wiene om foar te dragen. Sûnder har krewearjen hie der noait genôch oanbod west foar de leeftyd 12 – 18.

Dus, sa as alle jierren doch ik it fersyk om (in) fers(en) te leverjen foar it FeRstival. Wurde de fersen geskikt achte, dan sille dy bondele wurde yn it boekje FeRsefariaasje. Dat sil nei de skoallen stjoerd wurde en dêr kinne de meidoggers dan in fers út kieze.

Lês mear…

Looijenga wint Grut Frysk Diktee 2012

Beharkje de reportaazje fan Omrop Fryslân
Rients Gratama lêst foar yn de steateseal

Op 9 maaie 2012 waard foar de alfte kear it Grut Frysk Diktee hâlden. De tekst foar it diktee wie skreaun troch Rients Gratama en hy wie ek de foarlêzer. Der dienen 35 minsken oan mei en de winner wie André Looijenga fan Grins. Hy wie twa jier ferlyn ek al de bêste Fryskskriuwer.
Neist de lju dy’t har kwalifisearje moasten, dienen ek acht bekende Friezen mei, dêrby ûnder oare Wiebe Wieling, Eric Ennema en Remon de Jong. De bêste bekende Fries wie skriuwer Ate Grypstra.

It diktee is hjir werom te lêzen.
Praat mar Frysk hat der in filmke fan makke.

Finalisten Sjongfestival foar Bern 2012 bekend

Finale op freed 25 maaie 2012 yn De Lawei yn Drachten.

Op freed 25 maaie wurdt foar de achtste kear de grutte finale fan it twa-jierlikse Sjongfestival foar Bern hâlden yn Schouwburg De Lawei yn Drachten. It Sjongfestival foar Bern is in inisjatyf fan Cedin Taalsintrum Frysk en Omrop Fryslân.

25 skoallen dienen mei oan de trije foarrondes fan it Sjongfestival, dy’t op 23, 24 en 26 april hâlden binne yn Wommels, op De Jouwer en yn Burgum. De sjuery, dy’t bestie út Frederik Kampstra, Marrit de Schiffart en Carin Seegers, lit ûndersteande njoggen skoallen trochgean nei de finale.

By de Boarne – Boarnburgum, mei ‘Mobyl’
Ds. Hasperskoalle – Akkrum, mei ‘Planet Earth’
’t Grovestinshof – Koudum, mei ‘In eigen húske’
De Mienskip – Bûtenpost, mei ‘Seemansliet’
Eben Haëzer – Dokkum, mei ‘Boargemaster Ikke’
De Twine – Drylts, mei ‘Pake’
It Klimmerblêd – St. Nyk, mei ‘Dûnsjen bliuwe’
De Barte – Froubuorren, mei ‘Planet Earth’
’t Finster – Warkum, mei ‘Pake’

Lês mear…

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39  Scroll to top