‘Der wurde prachtich foarlêzen, it nivo dit jier wie tige heech en we hawwe ús net in momint ferfeeld,’ sa sei Janny Bottema út namme fan de sjuery.
De alve foarlêsfinalisten hienen hast 150 fans meinaam. Mei spandoeken en yells waarden de favoriten oanmoedige. De sjuery dy’t bestie út Sjoeke Faasse (NHL Hogeschool), Tjitske van Dijk (dosint basisûnderwiis) en Janny Bottema (Stichting It Fryske Berneboek) beoardielen de bern op toan, klam, kontakt mei it publyk, gebrûk fan de stim en fersteanberens. Tusken de bedriuwen troch koenen de finalisten en harren fans genietsje fan optredens fan De Frets.
Foar alle skoalkampioenen wie der oan ‘e ein fan de middei in boekenpakket.
