Finalisten Drèents Liedtiesfestival 2024 bekend!

Veur de twaalde maol organiseert Stichting REUR het Drèents Liedtiesfestival. Dit songfestival zörgt derveur dat der een brieder anbod komp van neie Drèentstaolige kwaliteitsmeziek.

Stichting REUR vruug alle mezikaanten en tekstschrievers weer um heur beste en liedties in te sturen. Nao het sluten van de inzendtermien hef een beoordielingskemmissie de 22 inzendings beoordield en de oeteindelke finalisten oetkeuzen.

finalisten DLF24

De finalisten van het DLF24 bint:

Titel:Artiest:Tekst:Meziek:
GisterSkuurSkuurSkuur
Törf, jenever en spietMartin HietkampM. HietkampM. Hietkamp
Schoonebeeker EulieDréents GrøsB. HilbertsB. Hilberts |H. Luurtsema
Hey SuzieSister SisterR. Keuter | J. Staal |D. HendriksJ. Staal, F. Vollink |R. Prins
BewondernChantal HulshofI. SmidE. Funke
t PadtieEllen DostE. DostM. Buiter
SomsWeriltGijs-Peter KuijpersGijs-Peter Kuijpers| R. Hermans
t Is zo wisse (as een klontie zuut is)Marianne VeenstraM.A. VeenstraM.A. Veenstra
Altied nog wat kindLaura DikR. Keuter | J. Staal | D. HendriksR. Keuter | R. Prins
Umdat ‘t zo niet langer kanRichard NijstadR. NijstadJ. Zwart

stichting REUR

Stichting REUR mak zuch stark veur de Drèentstaolige meziekcultuur in de bredte en brengt daormet de ansluting tot staand van het Nedersaksisch en Drèents bij aandere (inter-)nationale minderheidstaolen.

ATLAS Theater en RTV Drenthe

De finale van het Drèents Liedtiesfestival is op 09 mei 2024 in het ATLAS Theater in Emmen en wordt LIVE oetzunden op RTV Drenthe.
Lisa Harms -winnaar van DLF23- komp zien winnende liedtien ‘Tot de zun uut giet’ nog een maol zingen en zal de pries deurgeven an de winnaar van DLF24.

Lisa Harms -winnaar van DLF23. Foto: Stichting REUR

winnaar

De winnaar van de finale wint een geldbedrag van € 2000,- um te besteden an het opnimmen en oetbrengen van zien of heur winnende liedtien en zal het Nedersaksisch vertegenwoordigen op het Europees Songfestival veur Minderheidstaol tiedens het Suns Europe festival in Udine en de previncie Drenthe vertegenwoordigen op het Regio Songfestival later dit jaor.


Kaortverkoop Drèents Liedtiesfestival begund

Op 9 mei 2024 vindt de twaalfde editie van het Drèents Liedtiesfestival plaots. De kaortverkoop is begund via de webstee van het ATLAS Theater. Tien finalisten prissenteert in de finale een nei iegen liedtien. Een inholdelke vakjury, mar ok het landelke pebliek speult een belangrieke rol in het kiezen van de winnaar. Via SMS kan het pebliek op een favoriet liedtien stemmen. Dizze oetslag, in combinatie met de oetslag van de verscheiden vakjury’s, bepaolt de oetèendelke winnaar van het Drèents Liedtiesfestival.

De winnaar krig een geldpries van € 2000,- um te besteden an een professioniele opname van het winnende liedtien en zal het Nedersaksisch vertegenwoordigen op het prestigieuze SUNS Europe Festival 2024 in Friulië.

Anmelden tot 9 meert
De organisatie -Stichting REUR- rop mezikaanten, tekstschrievers en componisten van Drèentstaolige meziek op om liedties in te sturen veur 9 meert 2024. Een kundige kemmissie van meziek- en tekstprofessionals zal elk inzunden liedtien beoordielen en de -maximaal- tien besten oetverkiezen veur de finale op dunderdag 9 mei 2024 in het ATLAS Theater.

De finale wordt RECHTSTREEKS oetzunden op RTV Drenthe en via het internet. Op 6 april 2024 um 16.00 uur wordt de finalisten bekendmaakt via RTV Drenthe.  

Metdoen
Inzendings veur het Drèents Liedtiesfestival 2024 kunt tot en met 9 meert 2024 instuurd worden naor Stichting REUR. Dat kan via het online-anmeldformelier op de webstee van Stichting REUR. Rieglementen, anvullende infermatie en ‘t leste neis bint te vinden op www.drentsdlf.nl en www.stichtingreur.nl

Het Liefste Drentse Woord is bekend

Streektaolorganisatie het Huus van de Taol hef samen met RTV Drenthe dit jaor naor het liefste Drentse woord oet oeze streektaol zöcht um zo het jaor op een positieve manier of te sluten. Nao een inzendronde en een stemronde is nou het liefste woord bekend.

Van alle inzendingen weurden vief woorden het vaakst instuurd:

  • Smokkie
  • Poppie
  • Prugeltie
  • Tutebekkie
  • wichie/maagie/maegie

Een greep oet alle inzendingen van dit jaor: gloepertie, loekertie, doeken, zwalvie, meizuvertie, buigie, ankroeperiesweer, kleine knoesies, laompie, longern, sukerklontie, naober, maotie en moezeverzoepertie.

Liefste Drentse Woord

Nao een spannende verkiezingsweek bleek wichie/maagie/maegie de mieste stemmen te hebben. Het woord kwam het vaakst binnen, vaak in combinatie met lief of nuver. Maor het woord veur ‘meisje’ is niet deur hiel de provincie geliek. In het zuudwesten van Drenthe wordt zegt ze maagie, met een klankverandering naor maegie in het westen. Daormet lat dit lieve woord ok nog ies de variatie binnen de taol zien, variatie in klaank én in woordenschat.

Veul inzenders van het woord wichie/maagie/maegie woont  opmarkelijk genog niet in Drenthe zölf. Veul Drenten boeten Drenthe gebroekt dizze liefkozing nog altied of herinnert zuch dit woord van olders of grootolders. Ok niet-Drenten met een Drentse partner stuurden het in.

Huus van de Taol
Het Huus van de Taol is de streektaolorganisatie die het Drents anfietert met as doel um het een taol te laoten weden waor de gebroekers groots op bint en die de niet-gebroekers waardeert.

Anmelding Drèents Liedtiesfestival 2024 lös!

Veur de twaalfde keer op riege komp het grootschaolige streektaal-songfestival der weer an, met as doel het schrieven, oetvooren en vastleggen van neie Drèentstaolige kwaliteitsmeziek. De organisatie –Stichting REUR- röp mezikaanten, tekstschrievers en componisten van Drèentstaolige meziek op um liedties in te sturen. Een kundige kemmissie van meziek- en tekstprofessionals zal elk inzunden liedtien beoordielen en de tien besten sillecteren veur de finale op dunderdag 9 mei 2024 in het ATLAS Theater. De finale wordt LIVE oetzunden op RTV Drenthe en via het internet.


Niet allén een inholdelke vakjury, mar ok het landelke pebliek speult een belangrieke rol in het kiezen van de winnaar. Via SMS kan het pebliek op een favoriet liedtien stemmen. Dizze oetslag, in combinatie met de oetslag van de vakjury, bepaolt de oetèendelke winnaar van het Drèents Liedtiesfestival. De winnaar untvangt een geldpries van €2000,- om te besteden an een professioniele opname van het winnende liedtien.

Op 6 april 2024 wordt de sillectie van de finalisten bekend maakt via RTV Drenthe.

Stichting REUR en SUNS Europe festival.

Behalve de al nuumde geldpries vertegenwoordigt de winnaar van het Drèents Liedtiesfestival het Nedersaksisch op het prestigieuze SUNS Europe Festival 2024 in Friulië – Italië. Een unieke kaans um Drèentse meziek over de grèenzen te brengen. Sinds 2017 wuur het Nedersaksisch daor vertegenwoordigd deur Isa Zwart, Melissa Meewisse, Leon Moorman, Rick Hilberts en Lisa Harms.

Metdoen

Inzendings veur het Drèents Liedtiesfestival 2024 kunt tot en met 9 meert 2024 ingestuurd worden hen Stichting REUR. Dat kan via het online-anmeldformelier op de webstee van Stichting REUR. Rieglementen, naodere infermatie en het leste neis kuj
vinden op www.drentsdlf.nl en www.stichtingreur.nl.

Finalisten Drèents Liedtiesfestival 2023 bekend!

Veur de elfde maol organiseert Stichting REUR het Drèents Liedtiesfestival. Dit songfestival zörgt der veur dat der een brieder anbod komp van neie Drèentstaolige kwaliteitsmeziek.

Stichting REUR mak zuch stark veur de Drèentstaolige meziekcultuur in de bredte en brengt daormet de ansluting tot staand van het Nedersaksisch en Drèents bij aandere (inter-)nationale minderheidstaolen.

finalisten

Stichting REUR vruug alle mezikaanten en tekstschrievers weer um heur beste mezikale bien veur te zetten en liedties in te sturen. Nao het sluten van de inzendtermien hef een beoordielingskemmissie 20 inzendings beoordield en de oeteindelke finalisten oetkeuzen. De finalisten van het DLF23 bint:

Titel:Artiest:Tekst:Meziek:
Argens underwegEmileEmile BoerEmile Boer
PlaggehutNoordwaartsJohnny van WijkBand Noordwaarts
SelahBertine SnippeBertine SnippeGerwin Jutstra
(De ballade van) Teunis WietDréents GrøsBert HilbertsBert Hilberts
Als de wolv’n kommenWerilt  (Gijs-Peter Kuijpers)Gijs-Peter KuijpersGijs-Peter Kuijpers & Ruud Hermans
Tot de zun uut gietLisa HarmsR. Keuter, D. Hendriks, R. PrinsR. Keuter, D. Hendriks, R. Prins
Geef het even wat tiedMarianne VeenstraMarianne VeenstraMarianne Veenstra / Niels Lingbeek
Kom dans met mijMadelon HeijnenE. Heijnen, M. HeijnenMickey Bakker
Zo’n kerel as hijSister SisterR. Keuter, D. Hendriks, E. FunkeR. Keuter, D. Hendriks, E. Funke
Loeiende sirenesMarjolein SchepersGeert Leurink & Harro WimmenhGeert Leurink & Harro Wimmenhove

finale

De finale van het Drèents Liedtiesfestival is op 18 mei 2023 in het ATLAS Theater in Emmen en wordt LIVE oetzunden op RTV Drenthe. Rick Hilberts -winnaar van DLF22- komp zien winnende liedtien ‘Vallende sterren’ nog een maol zingen en zal de pries deurgeven an de winnaar van de 2023-editie.

De winnaar van de finale wint een geldbedrag van € 2000,- um te besteden an het opnimmen en oetbrengen van zien of heur winnende liedtien en zal het Nedersaksisch vertegenwoordigen op het Euoprees Songfestival veur Minderheidstaol tiedens het Suns Europe festival in Udine later dit jaor.

Finalisten Drèents Liedtiesfestival 2022 bekend!


Veur de tiende maol organiseert Stichting REUR het Drèents Liedtiesfestival. Dit songfestival zörgt der veur dat der een brieder anbod komp van neie Drèentstaolige kwaliteitsmeziek. Stichting REUR mak zuch stark veur de Drèentstaolige meziekcultuur in de bredte en wil ansluting kriegen van het Nedersaksisch en Drèents bij aandere (inter-)nationale minderheidstaolen. Stichting REUR ruup dit jaor ruup alle mezikaanten en tekstschrievers weer op um heur beste mezikale bien veur te zetten en liedties in te sturen.

Nao het sluten van de inzendtermien hef een beoordielingskemmissie 20 inzendings beoordield en de oeteindelke finalisten oetkeuzen. De finalisten van het DLF22 bint:

titelartiesttekstmeziek
Vallende sterrenRick HilbertsRick HilbertsRick Hilberts
Op papier is hij gelokkigMaurice MulderijMaurice MulderijMaurice Mulderij
Hef nog een glasJaap LamfersHarro Wimmenhove, Geert LeurinkHarro Wimmenhove, Geert Leurink
Feesten in VegasGersEmile Boer & Gerwin JutstraEmile Boer & Gerwin Jutstra
IenvoldEmile Boer Emile Boer Emile Boer
Gien chemieHarold Habing (+ bandHarold HabingHarold Habing
Geef mie de maoneBeau VeldkampRobin Muilwijk/Rosalie MeijerJohan Boekema/Robin Muilwijk
Dan hej’ t hek van de damMarianne VeenstraM. Veenstra / N. LingbeekM. Veenstra / N. Lingbeek
Ik bin het zatBrúúnsmaTheo BruinsmaTheo Bruinsma
Goed misGercoh. & de Schavuit’nAnne Exterkate & Gerco KleinAnne Exterkate & Gerco Klein


De finale van het Drèents Liedtiesfestival is op 2 juli 2022 in het ATLAS Theater in Emmen en wordt LIVE oetzunden op RTV Drenthe. Jolien -winnaar van DLF21- komp zien winnende liedtien ‘Vuul’ nog een maol zingen en zal de pries deurgeven an de winnaar van de 2022-editie. De winnaar van de finale wint een geldbedrag van € 2000,- um te besteden an het opnimmen en oetbrengen van zien of heur winnende liedtien.

Neie reeks van succesvolle Drentstaolige podcastserie Praot Drents met mij

Nao het succes van de eerste veer ofleveringen van de Drentstaolige podcast Praot Drents met mij komt streektaolorganisatie Huus van de Taol en regionale umroep RTV Drenthe nou met een tweide serie. Dizze maol bint er gien veer, maor elf ofleveringen opnummen.

In Praot Drents met mij prat Renate Snoeijing (directeur van het Huus van de Taol) met gasten die in Drenthe geboren of getogen bint. Hoe bint ze daordeur vörmd? En wat doet ze vandaag de dag nog met de Drentse taol? En wat döt de taol met heur?

De eerste gast in dizze neie serie is Nobelprieswinnaar Prof. Dr. Ben Feringa. Hie mag dan de hiele dag Engels praoten met zien internationale studenten op de Rijksuniversiteit in Grunning, het Drents is e nog lang niet verleerd! Feringa: ‘Op het moment dat ik de Hondsrug op rie naor Emmen hen, dan zet ik altied de Piratenzender an, dan heur ik al hiel veul Drents. Dan vuil ik mie geliek weer thuus.’

Aandere gasten bint undermeer schriefster Ria Westerhuis, undernimmer Peter van Dijk, zanger René Karst en radiomaker Bert Haandrikman.

Vanof woensdag 1 september is der alle week een neie oflevering te belustern: https://rtvdrenthe.nl/praotdrentsmetmij/podcast

Ben Feringa podcast Praot Drents met mij – RTV Drenthe Huus van de Taol

Het Huus van de Taol is de streektaolorganisatie die het Drents anfietert met as doel um het een taol te laoten weden waor de gebroekers groots op bint en die de niet-gebroekers waardeert. RTV Drenthe is, as betrouwbare en onafhankelijke informatiebron, de spil in de Drentse samenleving.

Jolien Wonink-Dijkstra wint Drèents Liedtiesfestival

Op 13 mei was de ningde editie van het Drèents Liedtiesfestival. In de finale in het ATLAS Theater in Emmen kreeg Jolien Wonink-Dijkstra met het nummer ‘Vuul (oh oh oh)’ de mieste stemmen. De tekst van het nummer wuur schreven deur Jolien Wonink-Dijkstra & Hilko Stoffers, de meziek kwam van de haand van Erik Koerts, Robin Muilwijk & Hilko Stoffers. Het Drèents Liedtiesfestival wordt organiseerd deur de Stichting REUR in samenwarking met RTV Drenthe en het Atlas Theater in Emmen.

Der was as altied een vakjury -bestaonde oet drie jurygroepen- en het pebliek kun gedurende de live-oetzending van RTV Drenthe via sms heur stem oetbrengen. De aandere negen dielnimmers aan het DLF 21 waren: Dennis Hendriks, Jaap Lamfers & Marianne Veenstra, GERS, Lilian van Lottum, Anna Jents, Boes & Boels, Skroetbalg, Maurice Mulderij en Rick Hilberts.

Met de winst in de buus zal Jolien later dit jaor dielnimmen an het Europees Songfestival veur Minderheidstaolen op het Suns Europe festival in Udine, waor zie het Nedersaksisch vertegenwoordigen zal.

Finalisten Drèents Liedtiesfestival 2021 bekend

Veur de negende maol organiseert Stichting REUR het Drèents Liedtiesfestival. Dit songfestival zörgt der veur dat der een brieder anbod komp van neie Drèentstaolige kwaliteitsmeziek.

Stichting REUR mak zuch stark veur de Drèentstaolige meziekcultuur in de bredte en wil ansluting kriegen van het Nedersaksisch en Drèents bij aandere (inter-)nationale minderheidstaolen. Stichting REUR ruup dit jaor ruup alle mezikaanten en tekstschrievers weer op um heur beste mezikale bien veur te zetten en liedties in te sturen. Nao het sluten van de inzendtermien hef een beoordielingskemmissie 34 inzendings beoordield en de oeteindelke finalisten oetkeuzen.

De finalisten van het DLF21 bint:

TitelArtiestTekstMeziek
As ik ‘t wachten kan Rick Hilberts Rick Hilberts Rick Hilberts
Vuul (oh oh oh) Jolien Wonink-DijkstraJolien Wonink-Dijkstra & Hilko Stoffers Erik Koerts, Robin Muilwijk & Hilko Stoffers
Met zien twee Jaap Lamfers & Marianne Veenstra Geert Leurink & Harro Wimmenhove Geert Leurink & Harro Wimmenhove
Dichter tot de kern Maurice Mulderij Maurice MulderijMaurice Mulderij
Waarm bie de kachel Lilian van Lottum Rosalie Meijer, Robin Muilwijk Rosalie Meijer, Robin Muilwijk
Waj zien is waj kriegen Dennis Hendriks Roy Keuter, Rowdy PrinsRoy Keuter, Rowdy Prins
Jij heurt bij mij Boes & Boels Hilko Stoffers & Harmen Boels Hilko Stoffers & Harmen Boels
Mag ik weer in huus? Skroetbalg Sander BroersmaSkroetbalg
Dreuge worst met kaviaar GERS (Gerwin Jutstra) Gerwin JutstraGerwin Jutstra
Wiezers van de klok Anna Jents Sophie van Os & Robin MuilwijkRobin Muilwijk

De finale van het Drèents Liedtiesfestival is op -Hemelvaortsdag- 13 mei 2021 in het ATLAS Theater in Emmen en wordt LIVE oetzunden op RTV Drenthe. Leon Moorman -winnaar van DLF19- komp zien winnende liedtien ‘Knooin’ nog een maol zingen en zal de pries deurgeven an de winnaar van de 2021-editie. De winnaar van de finale wint een geldbedrag van € 2000,- um te besteden an het opnimmen en oetbrengen van zien of heur winnende liedtien.

Froskepôle op Drinte en Noard

Foto: Omrop Fryslân
De muzikale streektaalprogramma’s fan de trije noardlike regionale omroppen sille takom wike tongersdei mei-inoar in radioprogramma meitsje. De útstjoering wurdt dien út de studio’s fan Omrop Fryslân yn Ljouwert wei. Presintator Gurbe Douwstra sil mei kollega Bert Kamping fan RTV Drenthe en Henk Scholte fan RTV Noord twa oeren lang muzyk yn it Frysk, Grinslânsk en Drintsk draaie.

Der is ek live-muzyk yn de trije talen. Oanlieding fan it spesjale programma is de 1500e útstjoering fan Radio Froskepôle.

De útstjoering is tongersdei 19 juny te beharkjen tusken 18:00 en 20:00 oere op Omrop Fryslân.

Boarne: Omrop Fryslân