De ferhaaltsjes fan it jonkje Tomke binne der no ek yn it Skiermûntseagersk. De kultuerhistoaryske feriening ‘t Heer en Feer fan it eilân fynt it belangryk dat de eilanner taal bestean bliuwt.
Ien fan de Tomkeboekjes is fan it Frysk oerset yn it Skiermûntseagersk. Der binne 350 eksimplaren fan drukt. Alle bern op it eilân krije in boekje. Yn de foarlêswike, begjin jûny, wurdt dêrút foarlêzen op skoalle en it pjutteboartersplak.
Boarne: Omrop Fryslân