Tag: muzyk

Posted on

Winner fan Liet en de twa publyksfavoriten stride om ticket nei it Regio Songfestival

It Frysk sjongfestival Lieten Omrop Fryslân ha besletten mienskiplik de Fryske kandidaat foar it Regio Songfestival te kiezen: njonken de offisjele winner fan Liet krije ek de twa publyksfavoriten in ekstra kâns om te striden foar it felbegearde plak op it Regio Songfestival. Dit jout noch mear mooglikheden foar it Frysk muzyktalint om harren Fryske muzyk op in noch grutter poadium hearre te litten.

It Regio Songfestival is in inisjatyf fan de tretjin regionale omroppen en wurdt live útstjoerd op telefyzje en online. Muzikale talinten út ferskate Nederlânske regio’s komme byinoar, it is dan ek in útsochte kâns om Frysk talint nasjonaal ûnder de oandacht te bringen.

De winner fan Liet wurdt lykas oare jierren bepaald troch in faksjuery en it publyk. Yn gearwurking mei Omrop Fryslân wol Liet, yn oanrin nei it Regio Songfestival, de ynfloed en belutsenheid fan it publyk noch grutter meitsje. Dêrneist krije de twa publyksfavoriten, op basis fan stimmen fan it publyk, in ekstra kâns om troch te streamen nei it Regio Songfestival. Dizze trije acts nimme it tsjininoar op yn in spesjaal organisearre seleksjeproseduere, en dêr wurdt úteinlik ien artyst oanwiisd as de definitive Fryske ynstjoering foar it Regio Songfestival. Omrop Fryslân sil dy striid wiidweidich ûnder de oandacht bringe yn de ferskate media.

“Dit is in geweldige kâns om it ferskaat en it sprekkende fan de Fryske muzyk en taal sjen te litten oan in breed publyk,” sa seit de foarsitter Pieter de Boer fan Liet. “We binne tige grutsk op it talint dat by Liet optreedt en sjogge dernei út om mei it publyk en de sjuery de bêste fertsjintwurdiger foar Fryslân te kiezen.”

It Regio Songfestival fynt dit jier plak op 1 novimber yn Arnhem en bringt de bêste regionale artysten fan Nederlân by-inoar yn in muzikale kompetysje dêr’t taal en kultuer sintraal yn steane. Ynskriuwe foar Frysk sjongfestival Liet kin oant 1 juny.

Posted on

Nij fan de Afûk: feestlike jierdeikalinder foar pjutten


Geartsje Douma skriuwt al 25 jier Fryske ferskes, gedichtsjes en ferhaaltsjes foar jonge bern. Ta eare dêrfan ferskynt hjoed in prachtige feestlike jierdeikalinder mei in seleksje fan har wurk. Foar alle moannen is der wat keazen dat krekt past by de tiid fan it jier.

Op de kalinder binne by alle gedichtsjes en (opsis-)ferskes prachtige yllustraasjes te sjen. Se binne makke troch Linda de Haan, Mirjam van Houten, Luuk Klazenga, Marijke Klompmaker, Karin Carolina Poiesz en Froukje Reitsma. Fia in QR-koade binne de ferskes te belústerjen en der wurde by alle moannen bypassende lês-, sjong-, doch- of praattips jûn. In fleurige kalinder, om it hiele jier troch fante genietsjen; op ’e pjutte-opfang, op skoalle of thús! De jierdeikalinder is fan hjoed ôf oan te keap by de Afûk yn de winkel en fia de websjop.

Op 28 febrewaris waard it earste eksimplaar fan de kalinder kado jûn oan Geartsje Douma, dy’t ek nochris op dizze dei har jierdei hat. Spesjaal dêrfoar wie der in feest-foarlêsmoarn organisearre foar pjutten yn de Afûk winkel yn Ljouwert. Der waard foarlêzen, muzyk makke en fansels taart iten.

Gegevens Jierdeikalinder mei ferskes en gedichtsjes fan Geartsje Douma

  • Auteur: Geartsje Douma
  • Yllustraasjes: Linda de Haan, Mirjam van Houten, Luuk Klazenga, Marijke Klompmaker, Karin Carolina
  • Poiesz en Froukje Reitsma
  • ISBN: 978-94-93318-49-6
  • Ferkeappriis: € 9,95
  • websjop.afuk.frl
Posted on

Omrop Fryslân ferbynt jong en âld mei de Fryske top 100

Fan 2 desimber ôf is it wer tiid om te stimmen foar de Fryske top 100! Mei de list wol Omrop Fryslân sjen litte hoe wichtich oft de Fryske muzyk is foar de Omrop, mar seker ek foar de Fryske identiteit. Fan âlde klassikers oant nije favoriten elke stim telt! Help mei om dyn favorite Fryske nûmers yn de top 100 te krijen, bring dyn stim út fia Frysketop100.nl.

De Fryske top 100 begjint dit jier yn de earste wike fan desimber. Mei de Fryske top 100 stimbus wurde mei help fan ferskate Fryske artysten stimmen ophelle. Under oaren Folgas, Sipke de Boer, Fegebart, Frerik de Swetser en Frisicana; Gurbe Douwstra, Marcel Smit en Piter Wilkens komme nei dy ta. Stimsto yn in stimhokje of by de stimbus, dan krijst de Omrop Fryslân Set ‘m op mûtse kado.

Foto: Omrop Fryslân

Brêge nei de takomst

Wy sjogge dat hieltyd mear jongerein it Frysk aktyf brûkt. Jonge Fryske artysten kieze hieltyd faker foar it Frysk. In foarbyld dêrfan is Steyn Land: “Us Fryske taal is wichtich, ek al meitsje wy flaters, as wy it mar brûken bliuwe. Mei myn muzyk yn it Frysk reitsje ik myn fans mear as wannear’t ik yn it Nederlânsk sjong. Der bart wat spesjaals op feesten en it meisjongen fan it publyk oerstimt de lûdsynstallaasjes geregeld. Ik sjoch by myn leeftiidsgenoaten ek echt it grutske gefoel.”

Meitsje kâns op in konsert fan De Kast

Ferline jier waard In Nije Dei fan De Kast keazen ta it populêrste nûmer yn de Fryske top 100. Om it publyk dêrfoar te betankjen jout de band no in yntym konsert kado. En do kinst dêrby wêze! Stim op de Fryske top 100 en meitsje kâns op twa kaarten foar dit unike konsert op twadde krystdei, yn de húskeamer fan Omrop Fryslân. “Dat ús wurk sa wurdearre wurdt troch it Fryske publyk, jout in geweldich waarm gefoel”, seit Syb. “Dat fertsjinnet in betankje.”

Net stinne, mar stimme!

Meitsje kâns op dy unike priis en bring fan 2 desimber 08.15 oere ôf dyn stim út fia www.frysketop100.nl.

Posted on

Sjochtip: op syk nei de Fryske talefamylje yn Fier yn it rûn

It Frysk is mear as ien taal. It is in samling fan farianten dy’t wy in ‘talefamylje’ neame kinne. Mar hoe goed kenne we eins al dy famyljeleden? Mei dy fraach reizget presintatrise Tjits van der Wal – Boersma nei alle hoeken fan it Fryske taalgebiet.

Fier yn it rûn– Boarne: Omrop Fryslân

Yn’e kunde komme mei de talefamylje

Yn Fier yn it rûn reizget Tjits troch hiel Fryslân en dêrbûten, op syk nei alle farianten fan de Fryske taal. Tink dêrby oan It Bilt, Skylge, West-Fryslân, Föhr en Sylt. Se siket sprekkers fan de taal en praat mei harren oer de skjintme en skaaimerken fan de taal, mar ek oer de steat fan de taal. Want hoefolle wurdt der eins noch mei de taal praat yn dy gebieten?

Alle farianten ta ien liet

Under de syktocht nei de farianten is Tjits dwaande mei it meitsjen fan in liet. Se hat in liet makke dy’t oerset wurdt yn de ferskate Fryske farianten. Yn de ôfleveringen siket se sprekkers fan de taal op en sjongt se mei harren de kûpletten fan it liet. Uteinlik komt hjir in hiel liet út, dêr’t ek in fideoclip fan makke wurdt, dy’t yn de lêste ôflevering te sjen is. Sa kinne alle famyljeleden meidwaan mei ien mienskiplik liet fan de Fryske taal.

De earste útstjoering fan Fier yn it rûn start op it Bilt. Tjits ûndersiket hoe’t it Biltsk ûntstien is en komt derachter dat it mear is as gewoan in mjuks fan twa talen. Dêrneist docht se as dielnimmer mei oan it Biltsk Diktee en besiket se har liet yn it Biltsk te sjongen.

Fier yn it rûn

De seis ôfleveringen fan Fier yn it rûn binne fan moandei 28 oktober ôf eltse moandei om 17.15 oere te sjen by Omrop Fryslân.

Posted on

Stichting REUR zöt zich noodzaakt activiteiten te staken.

Stichting REUR hef besluten moeten heur activiteiten te staken. De stichting is organisator van het DLF – Drèents Liedtiesfestival, metorganisator van Platt Together en Drèentse Zangers en partner van het Europese minderheidstaolfestival Suns Europe. Het bestuur van de Nedersaksische culturiele streektaolstichting zöt zich noodzaakt dizze beslissing te nimmen deurdat een solide financiële basis en het perspectief daorop untbreekt.

Stichting REUR leunde gedurende heur achtjaorige bestaon bij het organiseren van heur activiteiten op financiële bijdrages oet iegen geledern. Dizze situatie was niet langer holdbaar. In de anloop naor de neie Cultuurnota hef Stichting REUR een beroep daon op de previncie Drenthe um zo het veurtbestaon van de activiteiten, waorunder het Drèents Liedtiesfestival, structuriel veilig te stellen. An dizze oproep is gien geheur geven.

Het bestuur van Stichting REUR bedaankt alle partners, sponsors, fondsen, betrökkenen, dielnimmers en pebliek veur heur bijdragen, die de activiteiten van Stichting REUR zo succesvol en weerdevol muken. Met name het Drèents Liedtiesfestival vervulde een veurbeeldfunctie veur het anfietern van neie ginneraties bij het actief broeken van de streektaol. Het Drèents Liedtiesfestival wordt op Europees niveau angemarkt as toonangevend deur de Raod van Europa.

Stichting REUR slöt heur activiteiten of met het Suns Europe festival dit naojaor, waor Drèents Liedtiesfestival 2024 winnaar Marianne Veenstra het Nedersaksisch vertegenwoordigen zal tussen een keur van aandere Europese minderheidstaolen.

Reaksje EBLT

It EBLT fynt it tige spitich dat it Dreents Liedtiesfestival ophâldt. It DLF wie sûnder mis ien fan de meast profesjonele sjongfestivals yn de streektaal en hat der oan bydroegen dat der mear as hûndert nije ferskes yn it Drintsk skreaun en útbrocht waarden en it publyk kennis meitsje koe mei in nije generaasje talintfolle Drintse artysten. Boppedat wurke it DLF treflik gear mei partnerorganisaasjes yn Dútslân (Plattsounds) en Italië (Suns). 

It EBLT is net blyn foar de kwetsberens fan it DLF en Stichting Reur. In soad wurk op profesjoneel nivo waard útfierd sûnder reële fergoeding en soks is op langere termyn dreech fol te hâlden. 

Drinte hat no gjin sjongfestival mear en mist sadwaande no de jierlikse stimulâns foar jongerein om oan de slach te gean mei muzyk yn it Nedersaksysk. Dat is wol wat om oer nei te tinken foar de provinsje Drinte en elts dy’t it Nedersaksysk in waarm hert tadraacht. It Drints buorket achterút en kin eins in evenemint as it eigen ferskesfestival – live te sjen op RTVDrenthe – net heal misse. 

Posted on

De premjêre fan Fanfare komt der oan | Ekstra kaarten beskikber

It is hast safier, de premjêre fan Fanfare – de grutte lokaasjefoarstelling yn Easterlittens – stiet foar de doar. Fan sneon ôf begjinne de try-outs foar publyk.

Extra kaarten beschikbaar voor Fanfare 

Naast dat de laatste puntjes op de ‘i’ worden gezet, hebben wij het geweldige nieuws dat de tribune is vergroot omdat de kaartverkoop hard gaat! Daarom zijn er voor eerder uitverkochte data nu weer (een paar) kaarten beschikbaar

lês mear op de webside fan Tryater

Posted on

Omrop Fryslân betinkt en fiert de frijheid op 4 & 5 maaie

Betinke dogge we by Omrop Fryslân dit jier mei in live útstjoering fan de provinsjale
deadebetinking. Fiere dogge we de dei dêrnei, mei it Noardewyn Live poadium fan Omrop
Fryslân op de Wissesdwinger yn Ljouwert. Belibje it troch derby te wêzen of sjoch it live op
telefyzje.

Op 4 maaie stjoert Omrop Fryslân de provinsjale deadebetinking yn de Prinsentún yn Ljouwert live út op radio en telefyzje. Mei muzyk fan de Fryske Ambassadeur fan de Frijheid, Kaspar, en Brassband Hossanah. Fierder is Jacques Kooistra, de soan fan nazi-jager Jack Kooistra, fan de stifting Hunting Jack, oanwêzich. Boargemaster Van Haersma Buma fan Ljouwert sil in taspraak hâlde. De presintaasje komt fan Eric Ennema.

De Deadebetinking is op 4 maaie om 19.30 oere live te folgjen by Omrop Fryslân.

Omrop Fryslân op it Befrijingsfestival

We ha in jier sûnder moatten, mar Omrop Fryslân is werom mei in eigen poadium op it
Befrijingsfestival yn Ljouwert. Omrop Fryslân sil mei Noardewyn Live de Wissesdwinger omtsjoene ta in muzikaal doarpsplein. De presintaasje leit yn hannen fan Willem de Vries en Eric Ennema.

Understeande nammen stean kommende snein op it poadium fan Omrop Fryslân:

14.00 oere – Nothing/Kaydee and the Goodfornothing Boys
14.45 oere – F.O.D.
15.30 oere – Bildtstar
16.15 oere – Folgas
17.00 oere – Jitiizer
17.30 oere – De Doelleazen

It Omrop Fryslân poadium is fan 14.00 oant 18.00 oere te finen op de Wissesdwinger yn Ljouwert en is online en op telefyzje live te folgjen.

Noardewyn Live op Befrijingsfestival 2017 – boarne: Omrop Fryslân
Posted on

Nije webside De Moanne

De nije webside fan de Moanne, yn geef Frysk, live gien. De side is frisser, oersichtliker en   dúdliker. Troch de berjochten better op tema yn te dielen, kinst fluch fine watst sikest.

Nij is ek de gearwurking mei Merk Fryslân, dêrtroch binne no op de webside alle kulturele aktiviteiten yn in aginda werom te finen. De webside is hjir te besjen.

Posted on

Foar alles in ferske! in ferskeboek foar pjutte-opfang en ûnderbou primêr ûnderwiis

Op 1 maart ferskynt by Utjouwerij Afûk it nije ferskeboek ‘Foar alles in ferske!’ fan Clara Rullmann. It boek befettet tolve nije ferskes en ferhaaltsjes foar bern fan 2 o/m 6 jier. De ferskes binne makke foar gebrûk op de berne-opfang en yn de ûnderbou fan it primêr ûnderwiis, en geane oer ûnderwerpen dy’t dêr deistige praktyk binne, lykas opromjen, iten, jierdei wêzen en grutter wurden. De feestlike presintaasje fan it boek is op 29 febrewaris by ibs ’t Holdersnêst yn De Harkema.

De ferskes

Clara Rullmann skreau tolve ferskes oer ûnderwerpen dy’t ticht by de belibbingswrâld fan jonge bern steane. Pedagogysk meiwurkers en learkrêften yn de ûnderbou fan it primêr ûnderwiis hawwe meitocht oer de ûnderwerpen en de nije ferskes ek yn de praktyk úttesten. Doel wie dat de ferskes jonge bern oanmoedigje om mei te dwaan en te bewegen. Clara: “Muzyk is ûnmisber yn ’e ûntwikkeling fan jonge bern. Troch meimekoar te sjongen en te dûnsjen stimulearrest de taalûntwikkeling, en hast tagelyk in hiel soad wille!”

Njoggen bern, learlingen fan ibs ’t Holdersnêst yn De Harkema en dielnimmers oan it Berne- iepenloftspul, songen de ferskes yn by Sytse Broersma fan Noorderzon Muziekproducties, ûnder lieding fan Joke Krist. De arranzjeminten fan de ferskes binne makke troch Peter van der Zwaag.

It boek

Yn it boek steane de tolve ferskes en tolve bypassende ferhaaltsjes op rym. It boek kin ûnder it sjongen en fertellen rjochtop delset wurde, sadat de bern de prachtige yllustraasjes fan Marijke Klompmaker ek besjen kinne. By alle ferskes en ferhaaltsjes wurde praat- en aktiviteitetips jûn dy’t passe by it tema. Mei in QR-koade yn it boek komst by de online lokaasje dêr’t de ferskes te belústerjen binne en ek de blêdmuzyk downloaden wurde kin. It boek is makke mei subsydzje fanút it Taalplan Frysk. Pjutte-opfanglokaasjes en learkrêften yn de ûnderbou kinne it boek fergees oanfreegje fia www.tomke.frl.

De presintaasje

Op 29 febrewaris 2024 om 13.30 oere is de presintaasje fan it nije ferskeboek ‘Foar alles in ferske!’ op ibs ’t Holdersnêst yn De Harkema. Clara Rullmann sil dêr it earste eksimplaar fan it boek yn ûntfangst nimme, tagelyk mei de bern dy’t de ferskes ynsongen hawwe. Foarôfgeand oan de presintaasje fersoargje Willy van Assen en Wytske Bouwma in clinic, dêr’t sy yn sjen litte hoe’t it boek en de ferskes ynset wurde kinne. Oare pjutte-opfanglokaasjes en skoallen koene de ôfrûne tiid al meidwaan oan in winaksje om ek sa’n clinic te bemachtigjen. Yn totaal wurde der tsien clinics weijûn.

Posted on

Fear yn ’e Broek foar Hindrik van der Meer

Moandei 3 july hat in delegaasje fan de Ried fan de Fryske Beweging, besteande út foarsitter Reinder Reitsma, skriuwer Nynke Beetstra en Jehannes Elzinga, by Hindrik van der Meer en syn frou Beitske yn Fûns del west om Hindrik de Fear yn ’e Broek fan de Ried oan te bieden mei in byhearrende oarkonde.

Foarsitter Reinder Reitsma fan de Ried spruts nochris it grutte belang fan Hindrik syn krewearjen út foar de muzykwrâld yn Fryslân en de Fryske teksten by de ûnderskate muzykstikken.

Hindrik wie der tige mei ynnommen, mar joech oan dat er it allegear net dwaan kinnen hie sûnder de stipe fan syn frou Beitske.

lês fierder