Minister van Binnenlandse Zake en Limburger Raymond Knops, en gedeputeerde Ger Koopmans onderteikende de euvereinkoms op ein symposium euver de Nederlandse streektale.

Geld
‘t Limburgs woort ierder al door ‘t Riek erkind as streektaal. Met de onderteikening van de euvereinkoms spraeke alle deilnemers met mekaar aaf det zeej ‘t gebroeëk van ‘t Limburgs in de regio zulle gaon stimulere. ‘t Riek leet 25.000 euro op taofel um regiotale, waoonder ‘t Limburgs, te bevordere.

Naodet minister Knops 25.000 euro hej toegezag väör ‘t Limburgs deeg deputé Ger Koopmans dao vanoet de provincie nog ‘ns ein zelvendje bedraag baovenop. Hae goof aan det ‘t bedraag besteedj zoe mótte waere aan ‘t sjrieve van Limburgse väörlaesverhäölkes en Limburgstalige kènjerleedjes.

Naeve ‘t Limburgs woort ierder al ‘t Nedersaksisch, det in het oeëste en noord-oeëste van Nederland wuurt gespraoke, erkind door ‘t Riek as streektaal.