De inzendtermien van neie Drèentse liedties veur het Drèents Liedtiesfestival is verstreken.Totan de eersten meert kunden schrievers, componisten, zangers en zangeressen heur neischreven liedties insturen. An die oproep is flink geheur geven, want der bint umdebij de veertig liedties binnenkommen bij het Huus van de Taol.
De beoordielingskemmissie, bestaond oet de leden van de meziekwarkgroep van het Huus van de Taol, zal zuch der de ankommen tied over boegen en oet alle inzendings de beste tien kiezen die deurgaot hen de finale. De verwachting is dat de tien finalisten begun april bekend bint.
De finale is op zaoterdag 26 mei en zal op RTV Drenthe te zien weden. Deur te stemmen via het internet kan het pebliek metbeslissen wel of de winnaar van de eerste editie wordt van het Drèents Liedtiesfestival.