Drentse Openluchtspeulen speult dizze zomer volop!

Zoas elke zomer kuj ok dit jaor weer naor diverse Openluchtspeulen. Wij hebt de veurstellings even op een rijgie ezet zodaj kieken kunt wel Drents toneelspel aj bezuken gaot. Veul plezier alvast … èn mooi weer ewenst vanzelf!

Stichting Openluchtspel Havelte speult Hielemaol Hoteldebotel
(Hotel te koop door Henk Roede, vertaald in dialect door Ben ten Velde )
Wordt opevoerd: 15 en 17 juli, 9, 12, 15, 19, 22, 26 en 28 augustus

Het echtpaar Bovendijk hef een klein hotellegie. Het hotel stiet al een poosie te koop en eindelijk hef zich dan een koper emeld. Der mut vanzelf een goeie indruk op de koper emaakt worden, maar de ofeglopen jaoren is der niet barre veul an ’t hotel gebeurd en het personeel is eigenlijk ok niet zo goed in de taken die as zij doen mut. De vraog is of de koop wel deurgiet en ja, wat is de koper eigenlijk van plan mit het pand?

Openluchttheater De Speulkoele, Kerklaan 2a, 7971 CV Havelte.
www.openluchtspelhavelte.nl
Kaartverkoop vanaf begin juli. Tourist Info Havelte, Boskampsbrugweg 2 in Havelte, (0521) 34 12 22.

Stichting Openluchtspel Zweeloo speult Een rits te ver
(Jon van Eerd)
Wordt opevoerd: 1, 15 en 22 augustus 2015 (uitwiekdaotum 26 augustus)

Het verhaal speult op de camping ‘De Wielewaal’ Eigenaar Harry Vermeulen is drok doende um samen mit zien dochter Lies en heur Chinese warkneemster Lang Leng Lop de camping in orde te brengen veur de jaorlijkse controle van de gemiente. Sommige campinggasten bint nogal veuleisend en maakt het Harry niet makkelijk. Kan Harry de inspecteur van de gemiente der van overtugen dat hij een Hiele beste camping hef?

Stichting Openluchtspel Zweeloo, Aelderhooghe 1, 7854 RT Aalden
www.openluchtspelzweeloo.nl
Kaartverkoop: 06- 46 22 92 80

Stichting Openluchtspel Ruinen speult Waor doet ze’t van?
(En de winnaar is / Wer hat der Million gewonnen door Helmut Schmidt. Vertaald in dailect door Ben te Velde en bewerkt door Mark Robijn)
Wordt opevoerd op: 28 en 30 juli, 4, 6, 11, 13 en 15 augustus. Aanvang: 20.30 uur

Op Armweide is een grote geldpries evallen. De winnaar wil onbekend blieven, maar wilt de aandere bewoners van Armweide dat ok? Op alle meugelijke manieren wordt probeerd derachter te komen wie de winnaar is. Dit zorgt veur hiel wat lachwekkende situaties.

Stichting Openluchtspel Ruinen, Sportpark De Baete, Wolvenweg 10, 7963 BG RUINEN
www.openluchtspelruinen.nl
Toegangskaorten via TIP Ruinen, Brink 19, Ruinen, telefoon 0522 – 471700

Stichting Openluchtspel Roderwolde speult Wat een peerdespul
(Herman van der Aa)
Wordt opevoerd op: 21, 22, 24 (uutwiekdaotum), 25 , 26 en 27 augustus

Klaas Siebring is samen mit zien breur Geert veeboer in het olderlijk huus. Geert hef veul meer mit peerden as mit koenen en daorum hef hij een jaor eleden een peerd ekocht. Dit stiet Klaas lange niet an en dat levert nogal wat spanningen op. As der dan ok nog vrouwen zich mit heur zaken gaot bemeuien dan is het ende hielemaol zuuk.

Stichting Openluchtspel Roderwolde, Pastorielaan 2a, 9315 TB Roderwolde
www.openluchtspel.nl
Kaortverkoop start 1 augustus o.a. Bij Café Het Rode Hert (050 5034238) Kiek veur meer verkooppunten op de website.

STOP (Stichting Openluchtspel Westerbork) speult Mit ‘t goeie bien uut ‘t verkeerde bedde stapt
(Arend Victorie)

Gait en Evert koomt ‘s morgens vrog thuus van een uut de haand elopen oprichtingsvergadering veur zomermarkten. De eerste makrt verlöp niet vlekkeloos. Der is geharrewar over de kleur van een lottie van ’t rad van fortuin.

STOP speult de hiele zomerperiode op de Börkermarkt,veur Stichting Zomeractiviteiten Westerbork.
Veur exacte speuldata moej op de website kieken: www.stopwesterbork.com

Bron: Huus van de Taol

Reagearje

Your email address will not be published. Please enter your name, email and a comment.