Kaortverkoop finale in De Tamboer in Hoogeveen is begund Streektaolorganisatie Huus van de Taol organiseert veur de veerde maol het Drentstaolige ienakterfestival Kört&Goed. Vief tenielgroepen streidt in theater De Tamboer in Hoogeveen um de hoogste eer. Wel wint het ienakterfestival in 2023? In 2019 was de veurige editie. Destieds wun tenielvereniging Crescendo oet Gieterveen.
Finale Hoogeveen op 1 april Op zaoterdagaovend 1 april staot de vief ienakters in de Passagezaal van theater De Tamboer in Hoogeveen. Het publiek kreg tenielstukken te zien die tussen de 15 en 30 minuten lang bint.
Een deskundige jury zöt de tenielstukken veur het eerst en bepaolt an het ende van de aovend welke club de winnaor is van Kört&Goed 2023. In de pauzes zult de vrouwlu van zanggroep Dwarzz oet Emmen optreden.
Kaorten kost € 15,00 en kunt in de webshop van huusvandetaol.nl besteld worden en op de aovend zölf an de zaal kocht worden. Aanvang: 20.00 uur.
Foto: Anneke Bloema
Waorom? Huus van de Taol is de streektaolorganisatie die het Drents anfietert met as doel um het een taol te laoten weden waor de gebroekers groots op bint en die de niet-gebroekers waardeert. Op het gebied van het toneel nemp het Drents een prominente plaots in. Veul verieniging in oeze provincie speult stukken in het Drents. Mensen als Herman van der Aa, Jan Veenstra, Ben ten Velde, Marga Kool, Erik Harteveld en Harm Dijkstra levert hieran een grote bijdrage. Het Huus van de Taol gef het speulen van Drentstalig teniel geern een extra drukkertie in de rug.
Het grootschaolige streektaol songfestival wordt veur de elfde maol organiseerd met as doel het schrieven, oetvoren en vastleggen van neie Drentstaolige kwaliteitsmeziek. De organisatie –Stichting REUR– rop mezikaanten, tekstschrievers en componisten van Drentstaolige meziek op om liedties in te sturen.
De inzunden liedties wordt deur een kemmissie bestaonde oet meziek- en tekstprofessionals beoordield. Oet de inzendingen wordt de tien beste liedjes keuzen veur de finale. Eende april 2023 wordt de finalisten bekend maakt via RTV Drenthe.
Finale
De finale van het Drèents Liedtiesfestival vindt plaots op dunderdag18 mei 2023 in het ATLAS Theater in Emmen. Het Drèents Liedtiesfestival wordt LIVE oetzunden op RTV Drenthe en via het internet.
Het landelke pebliek stemt via sms op zien favoriete liedtien. Een inholdelke vakjury beoordielt de liedties toegeliekertied. Beide oetslagen bepaolt gezamenlk de oetèeindelke winnaar van het Drèents Liedtiesfestival.
DLF22-winnaar Rick Hilberts. foto: Bart de Nes
Stichting REUR en SUNS Europe festival
Stichting REUR vaardigt de winnaar van het Drèents Liedtiesfestival of as vertegenwoordiger van het Nedersaksisch hen het Europees Songfestival voor Minderheidstaolen op het SUNS Europe festival 2023. Sinds 2017 wuur het Nedersaksisch daor vertegenwoordigd deur Isa Zwart, Melissa Meewisse, Leon Moorman en Rick Hilberts.
Metdoen
Inzendings veur het Drèents Liedtiesfestival 2023 kunt tot en met 1 april 2023 ingestuurd worden hen Stichting REUR.
Zaoterdag 19 november is der Lös Huus bij het Huus van de Taol in Beilen. Wij viert daw 15 jaor bestaot, de metwarkers en vrijwilligers laot die dag zien wat er allemaol gebeurt um de Drentse taol oet te dragen. Daornaost is er ’s middags de Grote Streektaolstried.
Tussen 10 en 16 uur is der een keur an activiteiten: bezukers kunt rondkieken in het Huus, een broescursus volgen, naor Drentse poëzie lustern of anschoeven veur een sunterklaos-dichtworkshop. Veur kinder is der een veurleesuurtie en een spannende speurtocht. Ok projecten die nou bij het Huus loopt wordt veur het voetlicht bracht en der is een boekenmarkt.
Wieder zendt Radio Drenthe het programma Hemmeltied de hiele mörgen live oet vanoet het Huus van de Taol en komp winnaor van het Drèents Liedtiesfestival Rick Hilberts optreden.
De oetsmieter van de dag is de Grote Streektaolstried in de raodzaal van het gemientehoes: wi’j je met een koppel Drentskenners opgeven, dan kuj dat doen op huusvandetaol.nl/streektaolstried.
En wi’j as schriever van Drentse poëzie een podium veur je wark? Meld je dan an veur de loketpoëzie in de hal van het gemientehoes. Dan kuj je wark daor veurdragen. Dit kan via huusvandetaol.nl/loketpoezie.
Dit jaor viert het Drèents Liedtiesfestival zien tiende verjaordag! Um dizze bezundere gelegenheid te vieren organiseert Stichting REUR op 3 september 2022 een jubileumconcert. Tiedens dit jubileumconcert zult alle tien winnaars vanof de eerste editie in 2012 tot en met de lestholden editie van 2022 optreden en heur winnende liedtien speulen.
De winaars bint in volgörder van 2012 tot en met 2022: Annemiek Drenth (Ik bin zo wies), Willem Fledderus (Nei doel), Gerrit Denekamp (Zundagskind), Suzanne & Linda Kannegieter (Ik geleuf niet meer in liefde), Rik Vinke (Eem lös van alles), Isa Zwart (Mamme see), Melissa Meewisse (Wind van Zuud), Leon Moorman (Knooin), Jolien (Vuul, ohohoh) en Rick Hilberts (Vallende sterren).
Zie zult bij het concert begeleid worden deur de intied bekende DLF-band under leiding van Richard Zoer.
Het jubileumconcert vindt plaots in het vertrouwde Atlas Theater en begunt um 20.00 uur. Kaorten veur dit bezundere jubileumconcert kuj bestellen an de kassa van het Atlas Theater.
Op 12 februari 2021 werd online de Mannefestaosie Nedersaksische literetuur gehouden. Het was een groot succes, met nationale en internationale deelnemers uit het Nedersaksische vakgebied, met veel belangstellenden en naderhand met heel veel ‘terugkijkers’.
Op 16 september 2022 gaan we opnieuw een Mannefestaosie Nedersaksische literetuur en tael houden. De manifestatie is bedoeld voor mensen die zich bezighouden met of geïnteressseerd zijn in de kennisontwikkeling en -verbreiding van het Nedersaksisch in brede zin.
nieuwe vertalingen Heliand
Deze keer staat de manifestatie voor een deel in het teken van nieuwe vertalingen in Sallands, Stellingwerfs en Drents van de Oudsaksische Heliand. Het ochtendgedeelte is deels gewijd aan de Nedersaksische literatuur van onze tijd.
De Heliand is een religieus episch gedicht over het leven van Jezus Christus. Het werd geschreven in het Oudsaksisch, omstreeks het jaar 825. De naam Heliand, die overigens pas in 1830 door geleerden aan het gedicht werd toegekend, is Oudsaksisch voor het Duitse en Nederlandse ‘heiland’ of ‘redder’. De Heliand is het enige omvangrijke gedicht dat in het Oudsaksisch is overgeleverd. Het bestaat uit 5983 allitererende verzen en is niet compleet.
programma
9:30
Inloop, met koffie, thee, koek of cake
10:00
Welkom en start programma
10:05 – 10:15
Inleiding door dagvoorzitter Jurr van Dalen
10:15 – 10.30
Ingeborg Nienhuis vertelt over haar romans en gedichten in het Gronings
10:30 – 10:45
Willem Jan Teijema brengt een aantal van z’n Stellingwerfse gedichten en vertelt erbij
10:45 – 11:10
Lezing Harrie Scholtmeijer (Overijsselacademie): ‘Twee streektaalschrijvende dominees uit de Kop van Overijssel’
11:10 – 11:25
Joop Hekkelman vertelt over zijn proza in het Achterhoeks Nedersaksisch
11:25 – 11:50
Lezing Philomène Bloemhoff (zelfstandig onderzoeker): ‘Krijgt de Taalatlas van Oost-Nederland na 60 jaar alsnog een vervolg?’
11:50 – 12:05
Twents dichter Dick Schlüter, stadsdichter van Enschede, vertelt uit en over zijn werk
12:05 – 13:00
Lunch
13:00 – 13:10
Opening tweede gedeelte: over en in verband met de Heliand, de jongste Heliand-vertalingen in het Nedersaksisch en de nieuwe Oudsaksische editie
13:10 – 13:35
Lezing Bert Groenewoudt (Rijksdienst Cultureel Erfgoed): ‘Archeologische aanwijzingen voor het voortbestaan van pre-Christelijke cultusplaatsen en gebruiken in Noord- en Oost-Nederland’
13:35 – 14:00
Lezing Ingrid Rembold (Universiteit van Manchester; per video): ‘Reflections on the Saxon Heliand and Stellinga’
14:00 – 14:25
Lezing Tim Sodmann (gepensioneerd directeur Landeskundliches Institut Westmünsterland): ‘De originele Heliand als kunstwerk’
14:25 – 14:45
Pauze
14:45 – 15:10
Lezing Jan Nijen Twilhaar (zelfstandig onderzoeker): ‘De niejste Nedersaksische vertaelings van de Heliand’ (Sallands, Stellingwerfs, Drents)
15:10 – 15:35
Lezing Henk Bloemhoff (zelfstandig onderzoeker): ‘Over et verbaand tussen oonze Nedersaksische regio’s en de Heliand: taelkundig en poletiek-historisch’
15:35 – 15:50
Optreden van de Drentse zangeres Martijje
15:50 – 16:00
Afsluiting, gevolgd door hapje en drankje
locatie
Theater De Nieuwe Kolk, Van Gorcum Zaal, Weierstraat 1, Assen 16 september 2022, van 9:30 – 17:00 uur
Deelnamekosten
Vroegboekprijs: € 50,00 (geldig tot 1 juli 2022) Reguliere prijs: € 75,00 (na 1 juli 2022) Online deelnameprijs: € 25,00
Op zaoterdag 2 juli vund de tiende editie van het Drèents Liedtiesfestival plaots. In de finale in het ATLAS Theater in Emmen behaalde Rick Hilberts met het nummer ‘Vallende sterren’ de mieste stemmen bij de verscheiden vakjury’s. Het Drèents Liedtiesfestival wordt organiseerd deur de Stichting REUR. Dit jaor bestun de tv-vakjury oet Hijlco Span, Janine Vos en Marjolein Scherphuis.
Der was as altied een vakjury -underverdield in drie groepen- en het pebliek kun tiedens de liveoetzending van RTV Drenthe via sms heur stem oetbrengen. De aandere negen dielnimmers an het DLF 22 waren: Maurice Mulderij, Harold Habing (+ band), Brúúnsma, Emile, Beau Veldkamp, Gercoh. & de Schavuit’n, Marianne Veenstra, Jaap Lamfers en Gers Vleden jaar wun Jolien het Drèents Liedtiesfestival met ‘Vuul (oh oh oh)’.
Met zien winst krig Rick Hilberts € 2000,- um zien winnende liedtien op een professoniele wieze op te nimmen en zal e later dit jaor dielnimmen an het Europees Songfestival voor Minderheidstaolen op het Suns Europe festival in Udine, waor e het Nedersaksisch zal vertegenwoordigen.
Veur de tiende maol organiseert Stichting REUR het Drèents Liedtiesfestival. Dit songfestival zörgt der veur dat der een brieder anbod komp van neie Drèentstaolige kwaliteitsmeziek. Stichting REUR mak zuch stark veur de Drèentstaolige meziekcultuur in de bredte en wil ansluting kriegen van het Nedersaksisch en Drèents bij aandere (inter-)nationale minderheidstaolen. Stichting REUR ruup dit jaor ruup alle mezikaanten en tekstschrievers weer op um heur beste mezikale bien veur te zetten en liedties in te sturen.
Nao het sluten van de inzendtermien hef een beoordielingskemmissie 20 inzendings beoordield en de oeteindelke finalisten oetkeuzen. De finalisten van het DLF22 bint:
titel
artiest
tekst
meziek
Vallende sterren
Rick Hilberts
Rick Hilberts
Rick Hilberts
Op papier is hij gelokkig
Maurice Mulderij
Maurice Mulderij
Maurice Mulderij
Hef nog een glas
Jaap Lamfers
Harro Wimmenhove, Geert Leurink
Harro Wimmenhove, Geert Leurink
Feesten in Vegas
Gers
Emile Boer & Gerwin Jutstra
Emile Boer & Gerwin Jutstra
Ienvold
Emile Boer
Emile Boer
Emile Boer
Gien chemie
Harold Habing (+ band
Harold Habing
Harold Habing
Geef mie de maone
Beau Veldkamp
Robin Muilwijk/Rosalie Meijer
Johan Boekema/Robin Muilwijk
Dan hej’ t hek van de dam
Marianne Veenstra
M. Veenstra / N. Lingbeek
M. Veenstra / N. Lingbeek
Ik bin het zat
Brúúnsma
Theo Bruinsma
Theo Bruinsma
Goed mis
Gercoh. & de Schavuit’n
Anne Exterkate & Gerco Klein
Anne Exterkate & Gerco Klein
De finale van het Drèents Liedtiesfestival is op 2 juli 2022 in het ATLAS Theater in Emmen en wordt LIVE oetzunden op RTV Drenthe. Jolien -winnaar van DLF21- komp zien winnende liedtien ‘Vuul’ nog een maol zingen en zal de pries deurgeven an de winnaar van de 2022-editie. De winnaar van de finale wint een geldbedrag van € 2000,- um te besteden an het opnimmen en oetbrengen van zien of heur winnende liedtien.
Theatermaker en liedjesschrijver Maurice Mulderij schrijft nieuwe liedjes voor zijn nieuwe soloprogramma die hij vanaf aanstaande september speelt in de Nederlandse theaters. ‘’Dichter tot de kern’’ ligt ten grondslag aan het schrijven van zijn nieuwe voorstelling en de weg die hij bewandelt in het leven. De gelijknamige single is vanaf 8 april te beluisteren via alle bekende streamingskanalen. Vorig jaar stond Maurice met de Drentstalige versie van het lied in de finale van het Drèents Liedtiesfestival.
Maurice Mulderij heeft een grote liefde voor het luisterlied, hoe meer melancholie hoe beter. ‘’Het zijn juist de kwetsbare momenten die ons dichter bij onszelf brengen en hoe mooi is het om dat op papier te zetten en hierbij een melodie te schrijven’’. Tekst en muziek zijn van Maurice Mulderij. De single is opgenomen in de TecLats studio van Ton Snijders, al jaar en dag de vaste pianist van Frank Boeijen. Met veel liefde werken we samen aan heel kwetsbare liedjes.
foto: Jaap Reedijk
Theater Maurice timmert als theatermaker en liedschrijver al enige tijd aan de weg. Hij ontvangt enthousiast reacties op theatersolo’s, werkt samen met acteur Bartho Braat en raakt menig luisteraar met inhoudsvolle liedjes als ‘Ongeneeslijk Ziek’ , ‘Jouw Ideale Man’ en ‘Alzheimer’. Maurice is er trots op zijn nieuwe werk nu eindelijk tekunnen presenteren en weer in de theaters te kunnen spelen nu hiervoor weer ruimte is. Maurice: “Van alle liedjes die ik heb gemaakt, voelt deze als de absolute basis’.
Dichter tot de kern van Maurice Mulderij verschijnt op 8 april op alle bekende streamingskanalen.
Het verhaol is inspireerd op een waorgebeurd schandaal dat al meer as tien jaor de Drentse politieke gemoedern bezigholdt.
Een journalist die blind carrière prebeert te maken, twei vrouwelijke politici die mekaar de tent oetvecht en een subsidiefraude van jewelste, dat bint de explosieve ingrediënten van dizze körte roman.
De titel slat zowal op het fraudeschandaal as op de escapade van een journalist die geheime stukken over de fraude toespeuld kreg. Met informatie die hij via het bedde verkreg, mak een journalist rap naam en der lonkt grote roem. Maor hij stek zich ok in een wespennust van macht, seks en intrige. Allewal e alles op het spel zet lek der gien ontsnappen meer an. Of is er toch nog een oetweg oet dizze zaak?
Het boek is schreven deur Tieme Woldman en vörmgeven deur Wouter van Tilborg. Op vrijdag 12 november 2021 wordt het eerste exemplaar in ontvangst nummen. En vanof dan is het boek in de boekhandel en op huusvandetaol.nl te koop.
Streektaolorganisatie het Huus van de Taol verkocht al jaoren koffiemokken met Drentse teksten derop in heur (online) winkel. Maor nou wilt ze wal ies aandere teksten op de mokkies hebben.
Daorum doet ze een oproep um een pakkende Drentse kreet te bedèenken veur op zu’n mok. De tekst möt vanzölf in het Drents en mag op zien hoogst vier woorden lang weden.
De winnaar kreg een mok met zien eigen tekst en het Huus van de Taol giet de mok met de winnende tekst dommiet verkopen in heur (online) winkel.
Teksten kunt tot 1 november via www.huusvandetaol.nl/drentsemok instuurd worden.
