De geschiedenis van de Stellingwarver wereld en van de eigen literetuur kommen onverwaachs mooi in beeld. Dat gebeurt mit de uutgifte van de kollumachtige, Stellingwarfstaelige brieven van Jannes de Oostganger an zien ‘Lieve Sibbeltien’
Et boek zal op 4 juli verschienen. De prissentaosie is bi’j de Schrieversronte in Berkoop. Anvang: 15.00 – 17.00 ure.
Sprekers bin o.e. dr. Henk Nijkeuter, eerder heufd Drents Archief en kenner van de Nedersaksische literetuur. Hi’j gaot in op gelieksoortige schrieveri’je in et Drents. Nao de pauze is d’r een lezing van de bekende schriever, politikoloog en journalist John Jansen van Galen. Hi’j schreef o.e. veur Algemeen Handelsblad en Haagse post en was van 1990 tot meert 2015 prissentaoter van et pergramme ‘Met het oog op morgen’.
De prissentaosie is veur iederiene vergees bi’j te wonen. Wel graeg even veur 30 juni opgeven bi’j de SSR: hennie@stellingwarfs.nl