Neie verhalenbundel met 46 Drèentse teksten
In het Huus van de Taol in Beilen was vrijdag 29 mei de boekprissentatie van de verhalenbundel Bericht van de keuningin. Oetgeverij Het Drentse Boek hef dizze bundel samensteld oet zu’n vieftig jaor Drèentse schrieverij. Oet elke regio in Drenthe bint körte verhalen opnummen. En dat bint naost eerder publiceerde verhalen ok neie teksten. De 46 verhalen bint oetkeuzen umreden dat ze ok goed veur te dragen bint. Het titelverhaal Bericht van de keuningin is ooit schreven deur Geert Enting. Twintig jaor leden is hij oet de tied kommen.
Vrijdag gung het eerste exemplaor van het boek Bericht van de keuningin naor Marchien Enting, de weduwe van Geert Enting. Veur de overhandiging was hare keuninklijke hoogheid naor Beilen ofreisd. Het hoog bezuuk wur ofsloten met een bordesfoto.
Bericht van de keuningin is te koop veur € 14,95 bij de boekhandel en bij het Huus van de Taol in Beilen.