Tag: Omrop Fryslân

Posted on

Facebookside ‘Omrop Fryslân selsstannich’ op 5000 likes

In Facebookside dy’t pleitet foar de selsstannichheid fan Omrop Fryslân hat al mear as 5000 likes krigen. Minsken dy’t de side stypje, fine dat Omrop Fryslân net opgean moat yn in noardlik kluster mei RTV Noord en RTV Drenthe.

Dat is wol it plan fan ROOS, de oerkoepeljende organisaasje fan regionale omroppen. Dy tinkt dat der mei klustering fan regionale omroppen 17 miljoen besparre wurde kin. De plannen fan Roos betsjutte lanlik in ferlies fan tusken de 150 en 180 banen, by de Omrop ûngefear 15.

Ek de partijen yn Provinsjale Steaten binne kritysk oer it besunigings- en reorganisaasjeplan fan ROOS.

Klik hjir foar de Facebookside fan Omrop Fryslân selsstannich!

Posted on

Dútske minderhedepartij SSW komt op foar Omrop Fryslân

It Südschleswigscher Wählerverband SSW, in partij yn Sleeswyk-Holstein, stipet Omrop Fryslân yn syn striid foar selsstannigens. Op de webside stiet in ferklearring, skreaun yn it Frysk en Dútsk. ,,Omrop Fryslân hat altyd in grut foarbyld foar ús Friesen yn Nordfraschlönj west. Net allinnich foar ús, mar ek foar oare minderheiden yn hiel Europa”, skriuwt parlemintslid Lars Harms fan de Landtag yn Kiel.

Harms ropt de provinsje op om in earlike dialooch oan te gean mei Omrop Fryslân.

Omrop Fryslân sil, as it oan de direkteuren fan de regionale omroppen leit, fan 2017 ôf gearwurkje mei RTV Noord en RTV Drenthe yn in noardlik kluster. De redaksje soe wol selsstannich bliuwe, mar alle oare ôfdielings wurde gearfoege. Ek komt der ien lanlike lieding foar alle regionale omroppen. Deputearre Poepjes is ek tige kritysk oer de plannen fan Roos. Poepjes neamde dit ferline wike ‘it begjin fan de ein’.

Boarne: Omrop Fryslân

Posted on

Omrop Fryslân net langer selsstannich yn 2017

Omrop Fryslân ferliest syn selsstannichheid. Op 1 jannewaris 2017 giet de Omrop op yn in kluster mei RTV Noord en RTV Drenthe. De redaksje bliuwt bestean, it merk Omrop Fryslân ek, mar ûnderdielen as technyk, personielssaken, reklame, direksje en bestjoer wurde gearfoege.

Gefolch dêrfan is dat de tsientallen minsken yn it Noarden ûntslein wurde moatte. By Omrop Fryslân ferdwine sa’n 15 banen. De plannen sille neffens direkteur Jan Koster gjin gefolgen ha foar de Fryske taal, dy bliuwt. Continue reading “Omrop Fryslân net langer selsstannich yn 2017”

Posted on

Fryslân kin net sûnder selsstannige omrop

Foto: Omrop Fryslân

Omrop Fryslân sil opgean yn ien grutte regionale omrop foar Noard-Nederlân. Dat alteast is it plan dat de direksjes fan alle regionale omroppen yn ús lân betocht ha en oanbean ha oan steatssekretaris Dekker.

De meiwurkers fan Omrop Fryslân binne it net iens mei dizze plannen en meitsje har grutte soargen. Wy fine dat de omrop hoe dan ek folslein ûnôfhinklik bliuwe moat yn de takomst. Neffens de direksjes soe ús redaksje selsstannich bliuwe kinne, mar wy tinke dat dizze ûntjouwing it begjin fan de ein fan ús autonomy is, en de folgjende stappen – it fierder opjaan fan ynhâldlike eigen sizzenskip – no gau fierder om de hoeke komme sille.

Ien fan de belangrykste redenen foar de oprjochting yn 1988 fan in selsstannich Radio Fryslân wie om ús eigen Fryske taal brûke te kinnen en ús eigen Fryske kultuer op de bêst mooglike manier foar it fuotljocht bringe te kinnen, mei in eigen stjoerder. Al hast tritich jier bringt de Omrop dat Frysk en dy kultuer by jo thús yn de keamer. It skûtsjesilen, de alvestêdetochten, kulturele eveneminten, dokumintêres, skoaltelevyzje, aktueel nijs en ferdivedaasje, allegear yn it Frysk of in Fryske streektaal.

Continue reading “Fryslân kin net sûnder selsstannige omrop”

Posted on

Winners Ferhalewedstryd 2015 bekend

Baukje Zijlstra, Janneke de Boer en Harmen Houtman binne de trije priiswinners fan de jierlikse Ferhalewedstryd, útskreaun troch It Skriuwersboun, it Friesch Dagblad en Omrop Fryslân. Ien fan de trije ferhalen makket boppedat noch kâns op in ferfilming.

De sjuery besteande út Abe de Vries (dichter en redakteur by it Friesch Dagblad), Bart Kingma (sjoernalist en regisseur by Omrop Fryslân) en Paul van Dijk (ûnderwizer en jeugdboekeskriuwer), ha de trije ferhalen selektearre. Yn totaal binne 54 teksten ynstjoerd, fan masikmaal 725 wurden. De ferhalen komme út alle leeftydskategoryen wei en waarden net allinnich yn it Frysk skreaun, mar ek bygelyks yn it Stellingwerfs en it Bildsk, sa lit de sjuery witte. Continue reading “Winners Ferhalewedstryd 2015 bekend”

Posted on

Freonen Omrop Fryslân: Friezen, wurd wekker, de omrop stiet faai!!!

Nei oanlieding fan oanhâldende soargen oer de takomst fan Omrop Fryslân stjoerde foarsitter Andrys de Blaauw fan de Freonen fan Omrop Fryslân ús it folgjende brânbrief:

* Witte jim, dat steatssekretaris Dekker de selsstannige provinsjale, regionale omroppen de nekke omdraaie wol?
* Witte jim, dat dêrta yn maaie al in plan op tafel lizze moat?
* Witte jim, dat in groep minsken, ûnder lieding fan Jack de Vries (in Fries, in Lemster nota bene!), dat plan al hast yn kalk en semint hat?
* Witte jim, dat dat betsjut dat alle omroppen yn klusters yndield wurde sille?
* Witte jim, dat dat foar ús Omrop Fryslân betsjut dat wy yn in noardlik ferbân fierder moatte?
* Witte jim, dat der dan fan in selsstannige Omrop Fryslân gjin sprake mear is?!
* Witte jim, dat dat betsjut dat dan fan Grins út, dêr’t de haadsetel komt, it belied wer bepaald wurdt? 
* Witte jim (noch), dat dat eartiids ek sa wie (RONO)?!
* Witte jim, dat der dan ien direkteur boppe dy trije omroppen komt?
* Witte jim (noch), dat we eartiids, nei de snie-winter fan ’79, mei elkoar fûnen dat der in aparte, selsstannige, Frysk-talige stjoerder komme moast, mei in eigen gebou en in eigen direksje?  
* Witte jim, dat troch dizze nije opset foar ús Omrop in besuniging fan 1,3 miljoen Euro op ‘e planke leit?
* Witte jim, dat dat ynhâldt dat der sa’n 20 (!) wurkplakken by de Omrop ferdwine moatte?
Continue reading “Freonen Omrop Fryslân: Friezen, wurd wekker, de omrop stiet faai!!!”

Posted on

Dekker: “Ek Omrop moat gewoan besunigje”

Foto: Omrop Fryslân
Omrop Fryslân moat gewoan meidwaan yn de besunigings dy’t it Ryk trochfiere wol op de regionale omroppen. Mar it Frysk moat fansels wol waarboarge wurde. Dat sei steatssikretaris Sander Dekker moandei yn it mediadebat dat de hiele dei yn Den Haach plakfynt.

Alle regionale omroppen moatte 17 miljoen besunigje foar 2017. De provinsje Fryslân wol dat Omrop Fryslân minder rekke wurdt troch de besunigings omdat de omrop as iennige yn it Frysk útstjoert. De CDA-Twadde Keamerfraksje fynt dat ek. Se wurdt stipe troch PvdA, SP en Christen Unie. Continue reading “Dekker: “Ek Omrop moat gewoan besunigje””

Posted on

ChristenUnie wol gjin besunigings op Omrop Fryslân

Foto: Omrop Fryslân
Der moat net besunige wurde op Omrop Fryslân. Dat seit Twadde Keamerlid Gert Jan Segers fan de ChristenUnie. Segers wol dat de Omrop bûten de besunigings fan steatssekretaris Dekker hâlden wurdt, fanwege it feit dat it Frysk de twadde rykstaal fan ús lân is. In totale, alsidige programmearring soe behâld fan it Frysk betsjutte, sa stelt Segers.

Tegearre mei it CDA hat de ChristenUnie mei in moasje de steatssekretaris oproppen om net te besunigjen op de Omrop. Continue reading “ChristenUnie wol gjin besunigings op Omrop Fryslân”

Posted on

Steaten: koartsje Omrop minder

Foto: Omrop Fryslân
De 17 miljoen euro dy’t it Ryk mei yngong fan 2017 besunigje wol op alle regionale omroppen yn Nederlân, moat net ‘evenredig’ tapast wurde op Omrop Fryslân. Dat sei deputearre Jannewietske de Vries yn de gearkomste fan Provinsjale Steaten woansdei. Omrop Fryslân is de iennichste regionale omrop dy’t yn it Frysk útstjoert en moat dêrtroch in bredere programmearring ha. Dêr heart ek Frysktalich ‘entertainment’ by en net allinne ynformaasje- en kultuerprogramma’s, sa’t steatssekretaris Sander Dekker wol. Continue reading “Steaten: koartsje Omrop minder”

Posted on

Koster tefreden oer Mediawet

Foto: Omrop Fryslân
Direkteur Jan Koster fan Omrop Fryslân is “rûchwei tefreden” oer de nije Mediawet dy’t steatssekretaris Sander Dekker moandei presintearre. Dêryn stiet ûnder oare dat de yntegraasje fan de regionale stjoerders mei de NPO fan de baan is. Ek soenen der mear regionale items op lanlike stjoerders te sjen wêze moatte.

Dekker fynt dat de posysje fan de regionale sjoernalistyk hieltyd wichtiger wurdt, om’t provinsjes en gemeenten mear taken krije fan it Ryk. Wol moatte de regionale omroppen efter de skermen mear gearwurkje om kosten te besparjen. Continue reading “Koster tefreden oer Mediawet”